«Զանգեզուրի միջանցքի» հետ կապված խնդիրը ոչ թե Հայաստանից է գալիս, այլ Իրանից. Էրդողան

138

Թուրքիայի նախագահ Ռեջեփ Թայիփ Էրդողանը հայտարարել է, որ այսպես կոչված «Զանգեզուրի միջանցքի» հետ կապված խնդիրը ոչ թե Հայաստանից է գալիս, այլ Իրանից։

«Երկու երկիր [Իրանն ու Ադրբեջանը], որոնց բնակչության մեծամասնությունը մուսուլմաններ են: Թեհրանի դիրքորոշումը վիշտ է առաջացնում Բաքվում և Անկարայում: Իրականում իրավիճակը պետք է վիշտ պատճառի նրանց [Իրանում]»,- ասել է նա:

Էրդողանի խոսքով՝ երկաթուղային բեռների փոխադրման տուրքերը շատ բարձր են։

«Հուսով եմ, որ այս խնդիրը շուտով կլուծվի, տարածաշրջանում հաղորդակցություններին դրական մոտեցմամբ հնարավոր է ձևավորել Թուրքիա-Ադրբեջան-Իրան միասնական երկաթուղային և ճանապարհային ցանց, հնարավոր կլինի բացել Պեկին-Լոնդոն երթուղին, – ասել է Էրդողանը։