Զախարովան խոսել է ԼՂ-ում կրակի դադարեցման վերահսկման մեխանիզմների մասին

0

ՌԴ ԱԳՆ խոսնակ Մարիա Զախարովան հայտնել է, որ Լեռնային Ղարաբաղում կրակի դադարեցման վերահսկման մեխանիզմի համաձայնեցման ուղղությամբ աշխատանք դեռ չի տարվում։

«Մեր գլխավոր ուղերձն այն է, որ անհրաժեշտ է անհապաղ հանդիպում կազմակերպել զինվորականների գծով, համաձայնեցնել հրադադարի վերահսկման մեխանիզմը։ Որքանով ինձ հայտնի է, դեռ այդպիսի աշխատանք չի սկսվել։ Մենք հույս ունենք, որ այդ մեխանիզմի մեկնարկը կտրվի հնարավորինս շուտ», – ասել է նա։