Ermenihaber.am-ը գրում է․
Թուրքիայի ծայրահեղ ազգայնական «Մեծ միություն» կուսակցության (BBP) նախագահ Մուստաֆա Դեսթիջին մամուլի ասուլիսում անդրադարձել է սահմանագոտում իբրև թե «հայկական գնդակից ադրբեջանցի զինվորի սպանությանը»:
ՀՀ պաշտպանության նախարարության կողմից դեպքը չի հաստատվել։
Դեսթիջին մասնավորապես, ասել է. «Ցանկանում եմ նշել, որ Ադրբեջանի դեմ կատարված հարձակումները մենք ընդունում ենք իբրև մեր, Թուրքիայի Հանրապետության և թուրք ժողովրդի դեմ կատարված հարձակում»։
Նա շեշտել է, որ թյուրքական պետությունների, մասնավորապես Ադրբեջանի հետ սոցիալ-տնտեսական և ռազմական հարաբերությունները պետք է էլ ավելի զարգացնել և հավելել․
«Հաշվի առնելով մեր դեմ ուղղված սպառնալիքը, ինչպես դա երևում է Հայաստանի օրինակով, մենք պիտի միասնական և համերաշխ լինենք ու ձեռք ձեռքի տանք»։