Ադրբեջանը մտադիր է երկու տարվա ընթացքում Արցախի օկուպացված տարածքներով ու Սյունիքով ցամաքային կապ հաստատել Նախիջևանի հետ

154

Ադրբեջանը նախատեսում է մինչև 2024թ․ ավարտին հասցնել Արցախի օկուպացված Ջրականով և Կովսականով անցնող, Սյունիքի տարածքով անցնելիք ավտոմոբիլային ճանապարհի շինարարությունը՝ այդպիսով իրագործելով Նախիջևանի հետ ցամաքային կապ հաստատելու իր վաղեմի ցանկությունը։

Ադրբեջանական լրատվամիջոցները նշում են, որ ճանապարհի առաջին 77 կմ-ն ունենալու է երթևեկելի 6 գոտի։

Ադրբեջանի ավտոմոբիլային ճանապարհների պետական գործակալության հաղորդագրության մեջ նշվում է, որ Հորադիզ-Ջրական-Կովսական-Աղբենդ ճանապարհը «Գաջիգյաբուլ- Հորադիզ-Աղբենդ-Զանգեզուր» (Սյունիքով անցնող հատվածը) մայրուղու մի կարևոր մասն է կազմում և կարևոր նշանակություն կունենա Ադրբեջանը Նախիջևանին կապելու հարցում։