Թուրքիայի Տրապիզոն քաղաքում հունիսի 18-ին ձերբակալվել է «Ագօս» թերթի խմբագիր Հրանտ Դինքի սպանության գործով գլխավոր կասկածյալներից մեկը` Էրսին Յոլջուն: Գրում է Hurriyet Daily News-ը:
Վճռաբեկ դատարանի վերջին որոշումից հետո ձերբակալվածի նկատմամբ դատավարությունը նորովի կսկսվի:
Նշենք, որ Էրսին Յոլջուի ձերբակալությունը տեղի է ունեցել Վճռաբեկ դատարանի այն որոշումից հետո, համաձայն որի չեղյալ է համարել նրան բանտից ազատ արձակելու մասին վճիռը:
Նախորդ վճռի համաձայն Էրսին Յոլջուն դատապարտվել էր 12,5 տարվա ազատազրկման, բայց 2010 թվականին ազատ էր արձակվել:
