Օնիկ Գասպարյանի փաստաբանական թիմը բողոքարկել է Վարչական դատարանի որոշումը, որով վերադարձրել է ՀՀ զինված ուժերի գլխավոր շտաբի նախկին պետ Օնիկ Գասպարյանի հայցադիմումն ընդդեմ ՀՀ նախագահ Արմեն Սարգսյանի և ՀՀ վարչապետ Նիկոլ Փաշինյանի՝ առ ոչինչ ճանաչելու իրավունքի ուժով ուժի մեջ մտած իր պաշտոնից ազատման հրամանագիրը: ArmDaily.am-ի հետ զրույցում փաստաբան Արթուր Հովհաննիսյանն ասաց, որ դեռ օր նշանակված չէ։ Գասպարյանի փաստաբանն ասաց, որ այս հայցի վերաբերյալ դատարանը կարող է գրավոր որոշում կայացնի։ Նա տեղեկացրեց, որ վարույթ ընդունված հայցը, որով փաստաբանական թիմը դատարանից խնդրել էր ճանաչել վարչապետի և նախագահի կողմից պարոն Գասպարյանին աշխատանքից ազատման իրավահարաբերության բացակայությունը և հայցի ապահովման միջոց էր կիրառել, այս պահին համալրվում է։ «Հայցը լրացվում է և առաջիկայում լրացումները մուտք կանեն դատարան, որով պահանջում են ճանաչել նաև Արտակ Դավթյանի նշանակման իրավահարաբերության բացակայությունը՝ պահանջելով նաև այս մասով հայցի ապահովում կիրառել»։
