Մինչ ադրբեջանական կողմը Երասխի հատվածում հրետակոծում էր հայկական դիրքերը, նույն ժամանակում չորս ժամ շարունակ կրակոցներ են հնչել նաև Գեղարքունիքում։ Կրակոցները հնչել են Կութ գյուղի դիրքերում:
Տեղեկությունը «Փաստինֆո»-ի թղթակցի հետ զրույցում հաստատել է Գեղարքունիքի մարզի Կութ գյուղի վարչական ղեկավար Սիմա Չիտչյանը։
«Կրակոցները և տեսել և լսել ենք, թե պատճառը ինչն է եղել, տեղյակ չենք։ Փոխհրաձգությունը եղել է Կութի ուղղությամբ տեղակայված դիրքերում, գյուղի ուղղությամբ չեն կրակել, միայն գնդակոծվել են մարտական հենակետերը։ Մեր կողմից վիրավորներ չկան», – ասաց համայնքապետը։
Կրակոցները հնչել են ժամը 21.30-ից սկսած և շարունակվել են մինչև գիշերվա ժամը 1-ը։