Եվրոբոնդի թողարկումը նախատեսված էր 2020 թ-ի պետական բյուջեով, սակայն պետք է փաստենք, որ այստեղ կարևոր է, թե ինչ նպատակով են օգտագործվում թողարկման և տեղաբաշխման արդյունքում ստացված միջոցները։ Այս մասին ArmDaily.am-ի հետ զրույցում ասաց տնտեսագետ Թադևոս Ավետիսյանն՝ անդրադառնալով հունվարին Հայաստանի կողմից 750 միլիոն դոլարի եվրաբոնդի թողարմանը։
Տնտեսագետը նաև ընդգծեց, որ կարևոր է հասկանալ, թե մեր երկրի վարկունակության և տնտեսական զարգացման հնարավորությունների պարագայում, ինչպես է ստացվել, որ թողարկվող եվրոբոնդերը տեղաբաշխվել են այդքան ցածր՝ շուրջ 3,8 տոկոսով տոկոսադրույթով։ «Հիմա այնքան էլ պարզ չէ, թե ովքեր են գնորդները, ընդհանուր տեղեկատվություն կա, որ խոշոր կազմակերպություններ են, սակայն պետք է հասկանալ, թե այդ կյազմակերպությունները ո՞ր երկրի կապիտալով են և որ երկրի պատկանելիություն ունեն, քանի որ այստեղ տնտեսական անվտանգության գործոն կա։ Հուսանք, որ մեր կասկածները կփարատվեն ու չի պարզվի, որ մեր եվրոբենդերի գնորդները թուրքական ու ադրբեջանական կապիտալն է, մասնավորապես նավթադոլարները»։
