Պատրաստվում են սահմանի բացմանը․ հայ-թուրքական սահմանին ականազերծման աշխատանքներ են սկսվել

155

Հայաստան-Թուրքիա սահմանին ականազերծման աշխատանքներ են սկսվել։ Ըստ ermenihaber.am-ի՝ այս վերտառությամբ տեղեկություն է հրապարակվել թուրքական «GazeteKars» լրատվական կայքում։

Աղբյուրի համաձայն՝ իսրայելական մի ընկերություն հայ-թուրքական սահմանային գոտում իրականացնում է ականազերծման աշխատանքներ: Նշվում է, որ Կարսի Աքյաքա շրջանի Իբիշ գյուղի տարածքում արդեն 20 օր է, ինչ ընթանում են ականազերծման աշխատանքները։

«Օրակարգ է եկել ավտոմոբիլային և երկաթուղային ճանապարհներ ունեցող «Դողուքափը» և միայն ավտոճանապարհ ունեցող «Ալիջան» սահմանային անցակետերի բացումը»,- գրում է «GazeteKars»-ը։

Նաև նշվում է, որ վերոնշյալի մասին պաշտոնական աղբյուրներից առայժմ տեղեկատվություն չկա: