Բակում նստարանին հանգիստ նստած տեսա Բակո Սահակյանին, նրա արցունքով լի աչքերը, ասաց. «Շահե, սա էլ մեր խաչն է»

0

Շահե Աճեմյանը ֆեյսբուքյան իր էջում գրում է․ «Սեպտեմբերի  30-ին Ստեփանակերտի նոր եկեղեցում, ճակատ մեկնելուց առաջ, տղերքով գնացինք աղոթելու: Եկեղեցում մոմ վառելիս հանկարծ Ստեփանակերտի վրա օդային տագնապի ահազանգ սկսվեց և պայթունների ձայներ լսեցինք…

Եկեղեցում գտնվող կանայք խուճապի մատնվեցին ու փախան …Ես հանգիստ աղոթքս ավարտեցի ու դուրս եկա .. Ահազանգը ու պայթունները դրսում շարունակվում էին:

Բակում նստարանին անվախ ու հանգիստ նստած տեսա ԱՀ նախկին նախագահ և իմ հրամանատար Բակո Սահակյանին: Մոտեցա աչքերի մեջ նայելով… Հետո աչքերս փակ գլուխս տարա-բերեցի… Երբ աչքերս բացեցի, տեսա Բ. Սահակյանի հուզված և արցունքով լի աչքերը: Նա ինձ ասաց. «Շահե, սա էլ մեր խաչն է»»: