Արցախում հերոսաբար զոհվել է ոստիկանության զորքերի հրամանատարներից` գնդապետ Արտյոմ Միրզոյանը

0

Արցախում մղվող պաշտպանական մարտական գործողությունների ժամանակ զոհվել է ոստիկանության զորքերի հրամանատարական կազմի լավագույն ներկայացուցիչներից մեկը`գնդապետ Արտյոմ Զարմիկի Միրզոյանը: Այս մասին հաղորդում է ՀՀ ոստիկանության Մշակույթի կենտրոնը:

«Պրոֆեսիոնալ հրամանատա՛ր, նվիրյալ սպա՛, անփոխարինելի ընկե՛ր, հիշատակդ վառ կմնա մեր սրտերում։

Գնդապետ Միրզոյանի հոգեհանգստի արարողությունը տեղի կունենա ս/թ. նոյեմբերի 8-ին, ժամը 18։00-ին, Նոր- Նորքի սրբ. Սարգիս եկեղեցում»,-ասված է հաղորդագրության մեջ: