Իրանական թելեգրամյան ալիքները հրապարակել են կարևոր փաստաթղթեր, որոնք մատնանշում են Ադրբեջանի կենտրոնական դերակատարության մասին զենքի սև շուկայում՝ ահաբեկիչներին զինամթերք ապահովելու գործում։ Այս մասին հայտնում է իրանագետ Փոյա Հոսեյնին։
Բուլղարիայում Ադրբեջանի Հանրապետության դեսպանության 2017 թ․ բացահայտված փաստաթղթերից հայտնի է դարձել, որ Բաքվի ղեկավարությունը օգտագործում է Silk Way ավիաընկերության գաղտնի և դիվանագիտական թռիչքները՝ սև շուկայում զենք մատակարարելու համար: Այդ փաստաթղթերում տեսանելի է Սաուդյան Արաբիայի պատվերով՝ Սիրիայում ԻԻՊ-ի ահաբեկչական խմբավորումներին զենքի մատակարարումը:
️Զենքի սև շուկայում Բաքուն հանդիսանում է տարածաշրջանում ռազմական սպառազինության տարանցիկ կենտրոն՝ ահաբեկչական խմբերին զինամթերք ապահովելու առումով, որոնց աջակցում են Թուրքիան, Սաուդյան Արաբիան և այլ տերություններ:
Եվրասիական հարցերով ավագ հետազոտող Ահմադ Քազեմին «Fars News» լրատվական գործակալությանը տված հարցազրույցում անդրադարձել է թմրանյութերի Եվրոպա տարանցման գործում Բաքվի առանցքային դերակատարությանը։
«Ադրբեջանի Հանրապետությունը, ISAF- ի /Անվտանգության աջակցության միջազգային ուժեր / շրջանակներում՝ Աֆղանստան խաղաղապահ ուժեր ուղարկելու պատրվակով՝ իր Զինված Ուժերը օգտագործել է Աֆղանստանում վայրի կակաչի դաշտերը պաշտպանելու համար:
Աֆղանստանից Եվրոպա թմրամիջոցների տեղափոխման հիմնական տրաֆիկը ԱՄՆ -ի և ISAF-ի ինքնաթիռների ռազմական, լոգիստիկ և այլ փոխադրումների պատրվակով իրականացվող թռիչքներն էին՝ Քաբուլից Բաքու, այնուհետև՝ Բաքվից դեպի եվրոպական երկրներ»,- ասել է նա: