ԱՄՆ Կալիֆորնիա նահանգի վեհաժողովի հատկացումների ենթահանձնաժողովի լսումների ընթացքում միաձայն ընդունվել է Հայոց ցեղասպանության ուսուցումը Կալիֆորնիայի ուսումնական ծրագրերում ներառելու մասին AB 659 բանաձևը: Այս մասին տեղեկացնում է Ամերիկայի Հայ դատի գրասենյակը:
ԱՄՆ Կալիֆորնիա նահանգի վեհաժողովը մտադիր է հունվարի 27-ին քննարկել Հայոց ցեղասպանության ուսուցումը Կալիֆորնիայի ուսումնական ծրագրերում ներառելու մասին AB 659 բանաձևը:
Բանաձևի հեղինակը ԱՄՆ Կալիֆորնիայի վեհաժողովի անդամ Ադրին Նազարյանն է: Նրա շնորհիվ ԱՄՆ Կալիֆորնիա նահանգի վեհաժողովի հատկացումների ենթահանձնաժողովը լսումների ժամանակ միաձայն ընդունել է բանաձևը:
Համաձայն բանաձևի՝ Հայոց ցեղասպանության վերաբերյալ նյութերը պետք է ներառել Կալիֆորնիայի պետական ուսումնական ծրագրերում և ընդլայնել Հայաստանի, Կամբոջայի, Դարֆուրի և Ռուանդայի, Հոլոքոսթի ցեղասպանությունների մասին բանավոր վկայությունների օգտագործումը:
