Հայաստանի պետական պարտքն այս տարվա հուլիսի վերջի դրությամբ կազմել է 1 տրիլիոն 758 մլրդ 774.9 մլն դրամ կամ 4 մլրդ 290.741 մլն ԱՄՆ դոլար: Ազգային վիճակագրական ծառայության տեղեկատվության համաձայն՝ արտաքին պարտքը կազմել է 1 տրիլիոն 490 մլրդ 753.6 մլն դրամ կամ 3 մլրդ 636.871 մլն դոլար: Իսկ հուլիսի վերջի դրությամբ ՀՀ կառավարության պարտքը կազմել է 1 տրիլիոն 248 մլրդ 949.6 մլն դրամ կամ 3 մլրդ 046.962 մլն դոլար:
Այս տարվա հունիսի համեմատ հուլիսին Հայաստանի պետական պարտքն աճել է 35 մլրդ 013.6 մլն դրամով, այդ թվում՝ արտաքին պարտքն աճել է 28 մլրդ 793.2 մլն դրամով: Նախորդ տարեվերջի համեմատ այս տարվա առաջին կիսամյակում Հայաստանի պետական պարտքը նվազել է 4.5 տոկոսով:
Հիշեցնենք, որ ՀՀ հիմնական վարկատուն Համաշխարհային բանկն է, Զարգացման միջազգային գործակալությունը, Արժույթի միջազգային հիմնադրամը, Ասիական Զարգացման բանկը:
