Կանադայի թուրքական կազմակերպությունների ֆեդերացիան կոչ է արել Տորոնտոյի դպրոցական ծրագրերից հանել Հայոց Ցեղասպանության դասերը:
Կանադայի թուրքական հասարակական կազմակերպություններն այս քայլին են դիմել՝ փորձելով աջակցել change.org կայքում տեղադրված խնդրագրին: Թուրքական կազմակերպությունները պատճառաբանում են, որ իբր 2008 թվականից ի վեր ուսումնական ծրագրերում ընդգրկված հայերի, ասորիների և պոնտոսցի հույների ցեղասպանության մասին նյութերը բացասաբար են ազդում թուրք և թյուրքական ծագում ունեցող աշակերտների վրա: Թուրքերը պնդում են, որ այդ նյութերի բովանդակությունն արտացոլում է միայն հայկական կողմի հայացքները:
Եվ ըստ այդմ թուրքական այս կազմակերպությունները պահանջում են կամ դասագրքերից ամբողջապես հանել Հայոց Ցեղասպանության վերաբերյալ նյութերը, կամ էլ թեմայի վերաբերյալ թուրքական տեսակետը նույնպես ընդգրկել ուսումնական ծրագրերում: