«Էլիտար համարվող սերմը, որը ներկրված է Ռուսաստանից, չի համապատասխանում մեր ամբողջ տարածաշրջանի կլիմային: Սերմի պիտակի վրա նույնիսկ գրված է, որ նախատեսված է հյուսիսային Կովկասի համար»,- ահազանգում է «Հայաստանի ագրարագյուղացիական միավորում» հասարակական կազմակերպության նախագահ Հրաչ Բերբերյանը: Վերջինիս խոսքով Ռուսաստանից Հայաստան ներկրված ցորենի հասկերը մի քանի սանտիմետրից ավել չեն բարձրացել: Բերբերյանը կոչ է անում ՀՀ նախագահին և կառավարությանը ուշադրություն դարձնել երևույթի վրա:
«Պետք է փորձաքննություն անցկացնել և պարզել, թե ի վերջո ով է մեղավոր այս պատմության մեջ: Կատարվել է հանցագործություն և մեղավորները պետք է պատասխանատվության ենթարկվեն»,- ասաց Բերբերյանը:
Բերբերյանը ցավ հայտնեց, որ ցանքատարածությունների շուրջ 12-15% բերք չեն տվել, և այսօր գյուղացին անելանելի վիճակի մեջ է:
