Ամերիկացի անկախ լրագրող Լինդսի Սնելը իր թվիթերյան էջում հաղորդել է, որ Սիրիայից ԼՂ հակամարտության գոտի տեղափոխված ահաբեկիչները մինչև այժմ շարունակում են Ադրբեջանում մնալ:
«Լսել եմ, որ Սիրիայից ուղարկված բոլոր վարձկանները դեռ Ադրբեջանում են (բացառությամբ մեկ ամիս առաջ ուղարկված 700-ի): Նաև խոսակցություններ եմ լսել, որ դեռ ավելի մեծ թվով զինյալներ են ուղարկվելու․ չգիտեմ, թե ինչու, սպասում եմ մանրամասների։ Ենթադրվում էր, որ Թուրքիան և Ադրբեջանը կցանկանան, որ վերջիններս արագ հեռանան տարածքից, որպեսզի շարունակեն հերքել նրանց ներկայությունը, սակայն գուցե այդպես չէ»,- գրել է Սնելը: