Ռուսաստանի ԱԳՆ-ում չեն ժխտում Լեռնային Ղարաբաղում մարտական գործողություններին մասնակցող սիրիացի և լիբիացի գրոհայինների՝ ՌԴ «ներթափանցման» վտանգը։
«Անշուշտ, չի կարելի ժխտել այդպիսի վտանգը»,- ասել է ՌԴ ԱԳ փոխնախարար Օլեգ Սիրոմոլոտովը, գրում է ՌԻԱ Նովոստին։
«Ահաբեկչության դեմ պայքարում մանրուքներ լինել չեն կարող։ Կարևոր է վերլուծել բոլոր ռիսկերը, կանխարգելիչ աշխատանք տանել»,- ասել է նա։
Սիրոմոլոտովը հավելել է, որ ՌԴ իրավապահ մարմինները շատ ուշադիր հետևում են իրավիճակին։