Կառավարությունն այսօրվա նիստում հաստատեց նաև օրակարգում ընդգրկված չզեկուցվող հարցերից մեկը՝ Կոռուպցիայի կանխարգելման հանձնաժողովի կառուցվածքային ստորաբաժանումների աշխատողների քանակի ու հաստիքացուցակի վերաբերյալ, որի նախագիծը ներկայացրել էր Արդարադատության նախարարությունը:
Ըստ նախագծի՝ հանձնաժողովը կունենա 40 հաստիք, որոնցից 6-ը՝ հանձնաժողովի անդամների օգնականների և նախագահի օգնականների հաստիքները, կլինեն հայեցողական:
Հանձնաժողովը կունենա նախագահ, 4 անդամ՝ իրենց օգնականներով, Հայտարարագրերի վերլուծության վարչություն, վարույթների և իրավական ապահովման վարչություն, անհամատեղելիության պահանջների և այլ սահմանափակումների, էթիկայի կանոնների, բարեվարքության և շահերի բախման վարչություն, կթրական, հանրային իրազեկվածության ծրագրերի և մոնիտորինգի վարչություն, մեթոդական աջակցության վարչություն:
