Նիկոլ Փաշինյանը հայտարարել է, որ այս պահին բանակցությունների առարկա են հանդիսանում Ադրբեջանի կողմից փոխանցված 5 կետերը։
«Դա Ադրբեջանի կողմից մեզ փոխանցված 5 կետն է և դրան մեր արձագանքը, որն, ըստ էության, ամբողջությամբ հրապարակվել է հարցազրույցների, ելույթների ընթացքում, և այս գործելակերպը շարունակելու ենք հետագայում այնքանով, որքանով թույլ կտա դիվանագիտական միջպետական հարաբերությունների էթիկան»,- եզրափակել է նա։
Հիշեցնենք, որ Ադրբեջանի առաջ քաշած 5 հիմնական սկզբունքներն են՝
-Ինքնիշխանության, տարածքային ամբողջականության, պետական սահմանների անխախտելիության և միմյանց քաղաքական անկախության փոխադարձ ճանաչում:
– Պետությունների կողմից միմյանց նկատմամբ տարածքային պահանջների բացակայության փոխադարձ հաստատում և ապագայում նման պահանջներ չներկայացնելու իրավական պարտավորություն:
– Ձեռնպահ մնալ միջպետական հարաբերություններում միմյանց նկատմամբ անվտանգության սպառնալիքից, քաղաքական անկախության եւ տարածքային ամբողջականության դեմ սպառնալիքների եւ ուժի կիրառումից, ինչպես նաեւ ձեռնպահ մնալ ՄԱԿ-ի կանոնադրության նպատակներին չհամապատասխանող քայլերից:
– Սահամանազատում և սահմանագծում, դիվանագիտական հարաբերությունների հաստատում:
– Տրանսպորտային հաղորդակցությունների բացում, համապատասխան այլ հաղորդակցությունների ստեղծում և համագործակցություն՝ փոխադարձ հետաքրքրություն ներկայացնող ոլորտներում: