Նիկոլ Փաշինյանը սկսում է սահամանազատման աշխատանքները․ ՌԴ առաջարկներն իր համար ընդունելի են

176

Ես երեկ Ազգային ժողովում հարցուպատասխանի ժամանակ հայտարարեցի, որ 2021 թվականի մայիսից ի վեր ՀՀ և Ադրբեջանի սահմանների միջև սահմանազատման և սահմանագծման  վերաբերյալ երեք առաջարկ է հնչել Ռուսաստանի Դաշնության կողմից և երեքն էլ մեզ համար ընդունելի են։ Այս մասին կառավարության հերթական նիստին ասաց Նիկոլ Փաշինյանը։

«Երեկ իմ հայտարարություններից հետո Ռուսաստանի Դաշնության պաշտպանության նախարարությունը դեմարկացիայի և դելիմիտացիայի  նախապատրաստական փուլի վերաբերյալ հանդես  է եկել առաջարկություններով, և ես ուզում եմ վերահաստատել, որ դրանք ընդունելի են»,–ասաց նա։

Այնուհետև Փաշինյանը Սուրեն պապիկյանին հանձնարարեց ՌԴ գործընկերոջ հետ ճշգրտել մանրամասները և փորձել իրագործել առաջարկները՝ Ռուսաստանի Դաշնության արած առաջարկների շրջանակում և հիման վրա։

Հ․Գ․ Նիկոլ Փաշինյանն այդպես էլ չասաց, թե խոսքը ինչ առաջարկների մասին, ինչ քարտեզներով են ուղղորդվելու սահամագծում և սահմանազատում իրականացնելու համար։