Մոսկվան հույս ունի, որ Բաքվի կողմից Լեռնային Ղարաբաղի հատուկ կարգավիճակի քննարկումը մերժելը տարածաշրջանում հակամարտության նոր ալիք չի սադրի: Այս մասին լրագրողների հետ զրույցում, «ՌԻԱ Նովոստի»-ի հաղորդմամբ, ասել է ՌԴ արտաքին գործերի փոխնախարար Անդրեյ Ռուդենկոն:
«Հույս ունենք, որ դա չի հանգեցնի նոր ալիքի»,-ասել է նա:
Հարցին, թե արդյոք ԼՂ կարգավիճակի մասին հարցը լուծելու որեւէ մոտավոր ժամկետ կա, դիվանագետը բացասական է պատասխանել:
«Ոչ, ժամկետներ չկան»,-ասել է Ռուդենկոն՝ հավելելով, որ կարգավիճակի հարցը շատ զգայուն է:
