Ադրբեջանագետ Անժելա Էլիբեգովան այսօր խորհրդարանական լսումների ժամանակ մի շարք հարցեր Հայաստանի «արտաքին քաղաքականությունը որոշողներին»:
Ադրբեջանագետը նախ հետաքրքրվեց, թե ո՞րն է Հայաստանի պաշտոնական դիրքորոշումը Արցախի կարգավիճակի վերաբերյալ.
«Եթե մենք դիտարկում ենք միայն Արցախի անկախությունը և որևէ պարագայում չենք դիտարկում այն Ադրբեջանի կազմում, ապա ինչու՞ եք մոռացել դրա մասին զգուշացնել ձեր թիմակիցներին, որոնք անառողջ համառությամբ շարունակում են մեզ հակառակը համոզել, եթե ձեզ մոտ անվերապահ ցանկություն է առաջանում նման մտքեր արտահայտելու, լրագրողներին դրա մասին մի՛ պատմեք, գնացեք հոսղ ջրին պատմեք»,-ասաց Էլիբեգովան:
Նա նաև հետաքրքրվեց՝ հայ-թուրքական բանակցություններում նախապայմաններ կա՞ն, թե չկան. «Հայկական կողմը պնդում է, որ չկան, իսկ թուրք-ադրբեջանական տանդեմը հերթով-կարգով այդ նախապայմանները բարձրաձայնում է, եթե չկան նախապայմաններ, պատմեք, տեսնեք ի՞նչ եք դուք խոսում այդ բանակցությունների ժամանակ: Պատմեք որ այս մասին իմանան այն մարդիկ, որոնք ձեզ ձայն չեն տվել և չեն լիազորել ձեզ իրենց անունից խաղաղության դարաշրջան բացել, որովհետև նենց խաղաղության դարաշրջան եք բացել, որ մի հումանիտար աղետից դուրս չեկած, մյուսի մեջ ենք ընկնում, շատ հոռի խաղաղության դարաշրջան եք բացել»,-ասաց Էլիբեգովան:
Ադրբեջանագետը նաև հարց բարձրացրեց, թե ե՞րբ է Ադրբեջանը պատժվելու իր ռազմական հանցագործությունների համար.
«Ե՞րբ է Ադրբեջանը հայտարարվելու որպես ագրեսոր և ենթարկվի սանկցիաների, ե՞րբ է բարձրացվելու Արցախի դեօկուպացիայի հարցը, երբ եք պատրաստվում սա անել, եթե, իհարկե, մտադիր եք»,-ասաց Անժելա Էլիբեգովան: