«Աստղիկ» ԲԿ-ն Իսրայելից սերմեր չի ներկրում
Այսօր Մարինա Խաչատրյան անունով օգտատերը 9 հարց է ուղղել «Աստղիկ» ԲԿ տնօրենին՝ հիմք ընդունելով բուժկենտրոնի կայքում առկա տեղեկատվությունն այն մասին, որ կենտրոնի վերարտադրողական բժշկության հայ-իսրայելական բաժանմունքը ղեկավարում է Իսրայելի առաջատար կլինիկաներից մեկի՝ Շեբայի պրոֆեսոր Ռաուլ Օրվիետոն։
http://astghikmc.am/…/verartadroghakan-bjshkutyan-bajanmunq/: Եվ տարակուսելի տրամաբանությամբ խնդիր է բարձրաձայնվում, թե սերմնավորման (ինսեմինացիա) և արտամարմնային բեղմնավորման համար որոշ դեպքերում կիրառվում է Իսրայելից ներմուծված հրեաներին պատկանող սերմը (սպերման)։
Քանի որ այս պնդումն արդեն իսկ սուտ է, ապատեղեկություն եւ ստոր հերյուրանք, ուստի անիմաստ ենք համարում դրանից բխող մյուս բոլոր հարցերին ընդհանրապես անդրադառնալը: «Աստղիկ» ԲԿ-ն Իսրայելից և որևիցե այլ երկրից սերմ ՉԻ ՆԵՐՄՈՒԾՈՒՄ: Եվ եթե շարունակվի այս թեման արծարծվել, ստիպված կլինենք ՀՀ բոլոր օրենքների խստությամբ պատասխանատվության կանչել մարդկանց, ովքեր կփորձեն Աստղիկ ԲԿ-ի բարի համբավը արատավորել: Ապատեղեկատվություն ՄԻ՛ ՏԱՐԱԾԵՔ
«Աստղիկ» ԲԿ-ն
