Հրապարակվել են Տոմսկի օդանավակայանի տեսահսկման սարքերի ֆիքսած կադրերը, որոնցում երևում է, թե ով է բաժակով խմիչք տվել Ալեքսեյ Նավալնին:
Երեկ Մոսկվա ուղևորվող ինքնաթիռում նրա ինքնազգացողությունը վատացել էր։ Օմսկում արտակարգ վայրէջքից հետո նրան հոսպիտալացրել էին։ Ենթադրություններ կան, որ ընդդիմադիր գործչին թունավորել են։
Պարզվել է, որ Տոմսկի օդանավակայանում Նավալնին խմել է իր օգնականից վերցրած բաժակից: Համապատասխան տեսանյութը հրապարակվել է Telegram-ի Mash ալիքում։
Տեսանյութում երևում է, որ Ալեքսեյ Նավալնին սեղանի շուրջ էր նստել առանց խմիչքի: Ավելի ուշ բաժակը բերել է նրա օգնականը՝ Կոռուպցիայի դեմ պայքարի հարցերով հիմնադրամի աշխատակից Իլյա Պախոմովը: Ենթադրվում է, որ վաճառասեղանի մոտ աշխատողներից ոչ ոք չէր կարող իմանալ, թե ում համար էր պատրաստվում խմիչքը:
