Եվրոպայի խորհրդի խորհրդարանական վեհաժողովի փոխնախագահ է ընտրվել Յըլդըրըմ Թուղրուլ Թյուրքեշը։ Այս մասին հաղորդում է X-ում ԵԽԽՎ-ի պաշտոնական էջը։
«Շնորհավորում ենք Յըլդըրըմ Թուղրուլ Թյուրքեշին, որը հենց նոր է ընտրվել որպես վեհաժողովի նոր փոխնախագահ Թուրքիայից»,-ասված է կազմակերպության գրառման մեջ։
Նշենք, որ Յըլդըրըմ Թուղրուլ Թյուրքեշը, որը «Գորշ գայլեր» ահաբեկչական կազմակերպության հիմնադիր առաջնորդ Ալփարսլան Թյուրքեշի ավագ որդին է, եղել է «Ազգայնական շարժում» կուսակցության փոխնախագահը և Թուրքիայի խորհրդարանի պատգամավոր։
