Եվրամիությունը խորապես ափսոսում է երեկ Լեռնային Ղարաբաղում տեղի ունեցած միջադեպի կապակցությամբ, որի հետևանքով առնվազն հինգ մարդ է զոհվել։ Այս մասին ասվում է ԵՄ դիվագիտական գերատեսչության պաշտոնական ներկայացուցիչ Պիտեր Ստանոյի հայտարարության մեջ։
Սակայն Ստանտոյը կարծես չի ցանկացել տեսնել, թե ահաբեկչական հարձակումն ով է իրականացրել և որ կողմն է այդքան զոհերի պատճառը դարձել ու հավասարության նշան է դրել կողմերի միջև՝ կոչ անելով «բոլոր շահագրգիռ կողմերին զսպվածություն դրսևորել՝ կանխելու ցանկացած հետագա գործողություն, որը կարող է ավելի խաթարել տարածաշրջանային կայունությունը և վտանգել խաղաղ գործընթացը»։
Նա նշել է․ «Եվրամիությունը ափսոսում է բռնության երեկվա բռնկումը և կոչ է անում մանրակրկիտ հետաքննել դրա բոլոր հանգամանքները»։
