Ռուսաստանի նախագահ Վլադիմիր Պուտինը տեղեկացրել է, որ խնդրել է Բելառուսի նախագահ Ալեքսանդր Լուկաշենկոյին բանակցությունների համար ժամանել Մոսկվա, որպեսզի ամփոփեն Միութենական պետության ձևավորման ուղղությամբ վերջին շրջանում իրականացված աշխատանքների արդյունքները:
«Հարգելի Ալեքսանդր Գրիգորիի, շատ ուրախ եմ տեսնել Ձեզ: Ես խնդրեցի Ձեզ ժամանել, որպեսզի ամփոփենք արդյունքները, թե ինչ է կատարվել վերջին ժամանակներս Միութենական պետության ձևավորման ծրագրի զարգացման ուղղությամբ»,- ինչպես փոխանցում է «Ռիա-նովոստի»-ն, ասել է Պուտինը:
Նա ընդգծել է, որ այդ ուղղությամբ փորձագիտական և կառավարական մակարդակներով երկար ժամանակահատվածում իրականացվել է լարված աշխատանք:
