Ռուսական խաղաղապահ զորակազմը Արցախում կգլխավորի գեներալ-մայոր Անդրեյ Վոլկովը։ Այս մասին Sputnik Армения-ին հայտնի է դարձել Ստեփանակերտի աղբյուրներից։
Հրամանատարի փոխարինումը տեղի է ունենում պլանային փոխատեղման շրջանակում, սկսվել է գործերի ընդունման-հանձնման ընթացակարգը։
Գեներալ-մայոր Վոլկովը եղել է Լեռնային Ղարաբաղում ռուսական խաղաղապահ զորակազմի փոխհրամանատարը 2020թ. նոյեմբերից մինչեւ 2021թ. մայիս, երբ խաղաղապահների հրամանատարն էր գեներալ-լեյտենանտ Ռուստամ Մուրադովը։
Ներկայում Վոլկովը ՌԴ ՊՆ Հարավային ռազմական օկրուգի ռադիացիոն, քիմիական եւ կենսաբանական պաշտպանության զորքերի պետն է։