ԱՊՀ երկրներում ձերբակալվել է ավելի քան 40 ահաբեկիչ

48
ահաբեկիչ

ԱՊՀ-ի իրավապահ մարմինները 2020թ-ին ոչնչացրել են 22 ահաբեկչական կազմակերպություն: Այս մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը՝ ԱՊՀ երկրների անվտանգության խորհրդի քարտուղարների հանդիպման ժամանակ։

Բացի այդ, ուժայինները վնասազերծել են միջազգային ահաբեկչական կազմակերպությունների 160 մասնակիցների։ Նրանցից 110-ին արտաքսել են Ռուսաստանից, 40-ին դատապարտել և 18-ին պատասխանատվության են ենթարկել, հավելել է Պատրուշևը:

Ռուսաստանի իրավապահ մարմինների կողմից օտարերկրյա գործընկերներին տրամադրված տեղեկատվության արդյունքում ձերբակալվել են ահաբեկչական կազմակերպությունների ավելի քան 40 անդամներ և հանցակիցներ: Ավելի քան 950 կասկածյալի մուտքը ՌԴ արգելված է։