Ադրբեջանը կրկին խափանել է դեպի Արցախ գազամատակարարումը։
Ցելսիուսի սանդղակով Արցախում -5 աստիճանի պայմաններում բնական գազի՝ վերջին օրերին արդեն որերորդ անգամ անջատումը մեկ անգամ ևս փաստում է, որ պաշտոնական Բաքուն Արցախի 120 հազար շրջափակման մեջ գտնվող խաղաղ բնակչության նկատմամբ, միջազգային հանրության թողտվության պայմաններում, վարում է բացահայտ ահաբեկչական քաղաքականություն։
Նշենք, որ ավելի վաղ՝ հունվարի 9-ին, ադրբեջանական կողմի միջամտությամբ խափանվել է նաև Գորիս-Ստեփանակերտ 110 ԿՎ բարձրավոլտ միակ գիծը՝ Արցախի բնակիչներին զրկելով նաև էլեկտրական հոսանքի կայուն մատակարարման հնարավորությունից։
Եղանակային առկա պայմաններում էլեկտրաէներգիայի մատակարարումը իրականացվում է Արցախի ներքին սահմանափակ ռեսուրսների հաշվին՝ օրական արդեն 6 ժամ տևողությամբ հովհարային անջատումներով, ինչը շարունակաբար աճելու միտում ունի։
Նշենք, որ Արցախը 41 օր շրջափակված է։ Թշնամին Շուշի-Քարին Տակ հատվածում կեղծ էկոավտիվիստների միջոցով փակ է պահում Արցախը Հայաստանին կապող միակ մայրուղին։ Բայց թշնամին այդքանով չի բավարարվել և շարունակ փակում է Արցախին մատակարարվող գազը, կտրել էր ինտերնետային մալուխները և հոսանքի լարերը։
