Sputnik Արմենիայի հետ զրույցում Գորիսի համայնքապետի տեղակալ Արտյոմ Աղաջանյանը հաստատել է լուրը, որ այսօր Գորիսի Վերիշենից դեպի Սև լճի դիրքեր բարձրանալիս ադրբեջանցիները ՀՀ սուվերեն տարածքից առևանգել են Խնձորեսկի բնակիչ, պայմանագրային զինծառայող Մ. Գյուլնաբարյանին, ով զինվորներին հաց էր բարձրացնում:
«Փաստինֆո»-ի տեղեկություններով՝ մոլորվածը Խնձորեսկի բնակիչ է՝ մոտ 40 տարեկան։
«Վարկած կա, որ գերի է ընկել, մեքենան էլ չկա, ինքն էլ չկա»,- ասաց մեր զրուցակիցը։
Տեղեկությունը պարզելու նպատակով փորձեցինք կապ հաստատել ՀՀ ՊՆ տեղեկատվության և հասարակայնության հետ կապերի բաժնի աշխատակիցների հետ, սակայն մեր զանգերն անպատասխան մնացին։
Խնձորեսկի վարչական ղեկավար Երվանդ Մալունցի հետ ևս չհաջողվեց կապ հաստատել։
ՊՆ-ն դեռևս լռում է:
