Այսօր վաղ առավոտից ՍԴ-ն քննում էր Ռոբերտ Քոչարյանի դիմումը՝ ՀՀ քրեական դատավարության օրենսգրքի 35-րդ հոդվածի և 135-րդ հոդվածի 2-րդ մասի՝ սահմանադրականությանը համապատասխանության հարցը որոշելու վերաբերյալ գործը: Միայն կեսօրից հետո լրագրողներին մոտեցավ ՍԴ աշխատակազմի ղեկավար Էդգար Ղազարյանը՝ տեղեկացնելով, որ ՍԴ-ն իր որոշումը վաղը կհրապարակի:
Նա ասաց, որ դատարանը խորհրդակցական սենյակում փակ քննարկումը շարունակում է: Ամենայն հավանականությամբ, վճիռը կընթերցվի վաղը՝ օրվա երկրորդ կեսին: Ղազարյանն ասաց, որ ժամի մասին վաղը նախօրոք կտեղեկացնեն:
Քոչարյանի փաստաբան Հայկ Ալումյանն ասել է, որ եթե ՍԴ-ն իրենց բոլոր փաստարկները հաշվի առնի, ապա Քոչարյանը պետք է ազատ արձակվի, և քրեական հետապնդում պետք է դադարեցվի:
