Հաշվի առնելով Հայաստանի անդամակցությունը ԵՏՄ-ին` ռուսական գազը ՀՀ-ի համար կնվազի հազար խմ համար մինչև 165 դոլար: Այս մասին հայտարարել է «Գազպրոմ» ընկերության ղեկավար Ալեքսեյ Միլլերը՝ Россия 24 հեռուստաալիքին տված հարցազրույցում:
Պարզվում է, որ գազի գնի նվազեցման մասին համաձայնությունը ձեռք էր բերվել Երևանում ՀՀ նախագահ Սերժ Սարգսյանի և Ալեքսեյ Միլլերի հանդիպման ժամանակ:
Նրա խոսքով, ներկայումս ռուսական գազի գինը ՀՀ-ի համար կազմում է 190 դոլար՝ հազար խմ-ի դիմաց, և այդ մակարդակը թույլ է տալիս ներդրումներ իրականացնել ու արդիականացնել գազատրանսպորտային համակարգը:
Նշվում է, որ Հայաստանում աճում է գազի օգտագործման մակարդակը և Հայաստանը գազի պարտքեր չունի:
0