ՀՀԿ գործադիր մարմնի նիստից հետո ՀՀԿ փոխնախագահ Հերմինե Նաղդալյանը խոսեց ՊՊԾ գնդի գրավման շուրջ ՀՀԿ պասիվության մասին՝ նշելով, որ չեն ուզում վնասել գործընթացին:
Նաղդալյանը շեշտեց, որ փոխզիջումների մասին խոսք գնալ չի կարող, իրենք մտածում են միայն արյունահեղության կանխման մասին: «Սասնա ծռերի» պահանջներից մեկի՝ մասնավորապես Արցախի տարածքների հանձնման հարցով բանակցությունների դադարեցմանը, Նաղդալյանը պատասխանեց. «Չեմ կարծում, որ որևէ մեկը Հայաստանում կարող է ասել, որ ՀՀ ղեկավարությունը գնալու է, կամ կգնա նրան, որ ազատագրված հողերը երբևէ կհանձնվեն առանց ԼՂՀ կարգավիճակի փոփոխման, Ղարաբաղի անկախության ճանաչման»: