Թուրքիայի արտգործնախարար Մևլութ Չավուշօղլուի ապրիլի 24-ին ընդառաջ Վաշինգտոնում տեղի ունեցող հանդիպումների վերաբերյալ հետաքրքրիր անդրադարձ է կատարել թուրքական «Հուրրիյեթ» թերթը:
Նշվում է, որ ամերիկյան վարչակազմն այսօր Չավուշօղլուին կտեղեկացնի ԱՄՆ նախագահ Բարաք Օբամայի՝ ուրբաթ օրվա հայտարարության մասին՝ նշելով, թե նախագահը «ցեղասպանություն» կասի՞, թե՞ ոչ:
Պարբերականը նշում է, որ այդ քայլով նա փորձել է կանխել ԱՄՆ-ի նախագահ Բարաք Օբամայի կողմից Հայոց ցեղասպանության ճանաչումը: Օբամայի դիրքորոշման մասին Թուրքիային հայտնի կդառնա միայն այսօր:
«ԱՄՆ պետքարտուղար Ջոն Քերիի կողմից Վաշինգտոն հրավիրված Մևլութ Չավուշօղլուն այսօր կտեղեկանա՝ արդյոք Օբաման ապրիլի 24-ին կասի «ցեղասպանություն»,- գրել է թերթը: