ՀՀ ԿԳ նախկին նախարար Արմեն Աշոտյանն արձագանքել է ՔԿ-ի տարածած հաղորդագրությանը, որ նախկին նախարարի կողմից կատարվել է պաշտոնեական դիրքի չարաշահում:
«Քիչ առաջ Քննչական կոմիտեն տարածել է նման հաղորդագրություն:
Քանի որ անձամբ որևէ ծանուցում կամ նամակ դեռ չեմ ստացել, այս պահին որևէ մեկնաբանություններ չեմ անելու, թեպետ կարող եմ արդեն կռահել, թե ինչի մասին է այս գալիք բեմադրությունը:
Այն պահից, երբ հստակեցվեց, թե ում մասին է խոսքը, ինչ գործով և մեղադրանքով, այդ պահից ես և փաստաբանս կլինենք բացարձակ հասանելի այս հարցով»:
Հիշեցնենք, որ Աշոտյանը ՀՀ ԿԳ նախարար է եղել 2009-2016 թթ.-երին: