Հնագիտական պեղումների ընթացքում Հունաստանում հայտնաբերվել է «Ոդիսականի» ամենահնագույն արձանագրությունը: Հաղորդում է BBC-ին:
Կավի կտորը հայտնաբերվել է Զևսի տաճարի ավերակների մոտ՝ հնագույն Օլիմպիա քաղաքում: Տախտակի վրա արձանագրված է պոեմի 13 տող, որտեղ պատմվում է Տրոյայի անկումից հետո Ոդիսևսի արկածների մասին: Պոեմը հավանաբար Հոմերոսի կողմից գրվել է մ.թ.ա. 8-րդ դարի վերջին: Արձանագրության ստեղծման ժամանակը դեռ պետք է հստակեցվի, բայց մասնագետների խոսքով՝ այն մեծ հնագիտական, էպիկական, գրական և պատմական արժեք է իրենից ներկայացնում:
Նշվում է, որ հույն և գերմանացի հետազոտողների կողմից հայտնաբերված տախտակի վրա արձանագրված են «Ոդիսականի» 14-րդ երգի 13 տողերը:
