Ազգային ժողովի «Ելք» խմբակցությունը Հայաստանի Հանրապետության Սահմանադրության 149-րդ հոդվածի 2-րդ մասի համաձայն՝ վարչապետի թեկնածու է առաջադրել Նիկոլ Վովայի Փաշինյանին:
Այս մասին հայտնում է Հայաստանի Հանրապետության Ազգային ժողովի լրատվության և հանրության հետ կապերի վարչությունը:
Հաղորդվում է նաև, որ այլ թեկնածություններ չեն առաջադրվել:
Հիշեցնենք, որ ՀՀ վարչապետի ընտրությունները կայանալու են վաղը Ազգային ժողովում:
ԱԺ «Ծառուկյան» դաշինքը և «ՀՅԴ» խմբակցությունը հայտարարել են, որ կողմ են քվեարկելու ժողովրդի թեկնածուին, «ՀՀԿ» խմբակցությունը դեռևս իր դիրքորոշումը չի հայտնել:
