Հավաքական անվտանգության պայմանագրի կազմակերպությունը (ՀԱՊԿ) անհրաժեշտ ողջ զինանոցն ունի արտաքին սպառնալիքի դեպքում կազմակերպության անդամ երկրների ինքնիշխանությունը պաշտպանելու համար: Հայտարարել է ՀԱՊԿ գլխավոր քարտուղար Նիկոլայ Բորդյուժան: Տեղեկացնում է «Արմենպրես»-ը՝ հղում անելով ՏԱՍՍ-ին:
Բորդյուժան ասել է, որ ներկայում Կենտրոնական Ասիայի երկրների համար սպառնալիք գոյություն ունի նախ և առաջ Աֆղանստանի կողմից:
Դրա հետ մեկտեղ նա նախազգուշացրել է, որ կազմակերպությունն անհրաժեշտ բոլոր ուժերն ու միջոցներն ունի ՀԱՊԿ-ի մեջ մտնող պետությունների ամբողջականությունն ու ինքնիշխանությունը պաշտպանելու համար:
Բորդյուժայի խոսքով՝ ՀԱՊԿ-ն ունի բավական թվով արագ հակազդման ստորաբաժանումներ և 22 հազար զինծառայողներ:
Ինչպես նշել է Բորդյուժան, ՀԱՊԿ-ի ստորաբաժանումներին երեք օրից ավելի չի պահանջվի հակամարտության շրջանում իր ուժերի լայնամասշտաբ ծավալման համար:
