Միացյալ Նահանգների Ալերգիայի և վարակների ազգային ինստիտուտի տնօրեն Էնթոնի Ֆաուչին հայտարարել է, որ կորոնավիրուսի դեմ պատվաստանյութը պատրաստ կլինի արդեն այս տարի։ Այս մասին հայտնում է CNN-ը:
«Կարծում եմ, որ եթե ամեն ինչ նորմալ ընթանա, այս տարվա նոյեմբերին կամ դեկտեմբերին, պատվաստանյութն արդեն կդրվի շրջանառության մեջ»,- ասել է Ֆաուչին, որը նաև Սպիտակ տան՝ կորոնավիրուսի դեմ պայքարի գերատեսչական խմբի անդամ է։
ԱՀԿ-ի տվյալներով՝ այս պահին թեստավորման փուլ է անցնում 10 պատվաստանյութ։