Սեպտեմբերի 20-ին ՀՀ նախագահ Սերժ Սարգսյանը մի շարք հրամանագրեր է ստորագրել՝ սկսելով ձևավորել ՀՀ նոր կառավարությունը:
Աշոտ Մանուկյանը նշանակվել է Հայաստանի Հանրապետության էներգետիկայի և բնական պաշարների նախարար՝ փոխարինելով Լևոն Յոլյանին:
Ի դեպ, Մանուկյանը «Հրազդան ՋԷԿ»-ի գլխավոր տնօրենն է:
ՀՀ գյուղատնտեսության նախարար է նշանակվել Իգնատի Առաքելյանին՝ Սերգո Կարապետյանի փոխարեն:
Առաքելյանը ժամանակին Երևանի կոնյակի գործարանի գործադիր տնօրենն էր:
ՀՀ տրանսպորտի և կապի նախարար է նշանակվել Վահան Մարտիրոսյանը՝ փոխարինելով Գագիկ Բեգլարյանին:
Վարդան Արամյանը նշանակվել է Հայաստանի Հանրապետության ֆինանսների նախարար՝ փոխարինելով Գագիկ Խաչատրյանին:
Արամյանը ՀՀ նախագահի աշխատակազմի ղեկավարի առաջին տեղակալն էր, 2008-ից 2013-ը եղել է ՀՀ ֆինանսների փոխնախարար:
Հայաստանի Հանրապետության միջազգային տնտեսական ինտեգրման և բարեփոխումների նախարար Վաչե Գաբրիելյանը մնացել է իր պաշտոնում:
Դավիթ Հարությունյանը վերանշանակվել է ՀՀ կառավարության աշխատակազմի ղեկավար-նախարար:
Արգենտինայում ՀՀ դեսպան Ալեքսան Հարությունյանը նշանակվել է Հայաստանի Հանրապետության նախագահի աշխատակազմի ղեկավարի առաջին տեղակալ: