ԱՄՆ-ի Սենատը դեկտեմբերի 17-ին Հայաստանում դեսպանի պաշտոնում հաստատել է Ռիչարդ Միլզի թեկնածությունը: Այս մասին իր բլոգում հայտնում է արդեն նախկին դեսպան Ջոն Հեֆերնը: Սենատը հաստատել է նաեւ Ադրբեջանում ԱՄՆ-ի դեսպան Ռոբերտ Սեկուտայի թեկնածությունը:
Միլզը Բեյրութում ԱՄՆ-ի դիվանագիտական առաքելության ղեկավարի տեղակալի պաշտոնն էր զբաղեցնում, իսկ ավելի վաղ եղել էր Մալթայում ԱՄՆ-ի դեսպանատան գործերի հավատարմատար:
Միլզն աշխատել է Փարիզում, Դուբլինում, Լոնդոնում, Բաղդադում, Իսլամաբադում: Նա նաեւ աշխատել է հյուպատոսական բաժնում՝ Հայաստանի եւ Ադրբեջանի գծով:
Միլզը տիրապետում է ռուսերենին եւ ֆրանսերենին:
