Այսօր լրանում է Հայաստանի Հանրապետության և Մայիսյան հերոսամարտերի 100-ամյակը: Ուղիղ 100 տարի առաջ՝ այս օրը, հաղթական ելք ունեցան Սարդարարպատի, Բաշ-Ապարանի և Ղարաքիլիսայի ճակատամարտերը, որոնք էլ կանխորոեշեցին հայ ազգի հետագա ընթացքը: Մայիսյան հերոսամարտերը հող դարձան Հայոց պետականության վերականգնման գործում:
Սարդարապատում տեղի ունեցան Հայաստանի Առաջին Հանրապետության 100-ամյակին նվիրված միջոցառումներ, որոնց մասնակցեցին Հայաստանի և Արցախի բարձրաստիճան պաշտոնյաները: Տեղի ունեցավ նաև զինվորական շքերթ:
Նշենք, որ Առաջին Հանրապետությունը հիմնադրվեց հայերի համար դժվարին ժամանակահատվածում և ունեցավ ընդամենը երկու տարվա կյանք՝մինչև 1920 թվականի դեկտեմբերի 2-ը, երբ Հայաստանը խորհրդայնացավ։
1918թ. մայիսի 28-ին, Թիֆլիսում Անդրկովկասյան սեյմի փլուզումից հետո «Հայկական ազգային խորհրդի» կողմից հռչակվեց Հայկական Հանրապետությունը (Հայաստանի Հանրապետությունը):
Անկախ Հայաստանի առաջին վարչապետը դարձավ Հովհաննես Քաջազնունին։