Եվրասիական տնտեսական միության հետ Իրանի ազատ առևտրի գոտին կսկսի գործել հոկտեմբերի վերջից։ РИА Новости-ի փոխանցմամբ՝ նման հայտարարությամբ երկուշաբթի հանդես է եկել Իրանի նախագահ Հասան Ռոհանին։
«Այդ միության հետ համաձայնագրի իրագործումը տեղի կունենա հոկտեմբերի 27-ին, և մեր ապրանքներից 502-ը կկարողանան օգտվել հատուկ արտոնյալ պայմաններից»,- ասվում է Ռոհանիի պաշտոնական կայքում հրապարակված հայտարարության մեջ։
Ռոհանին այս մասին հայտնել է Հայաստան մեկնելուց առաջ, որտեղ մասնակցելու է Եվրասիական Բարձրագույն տնտեսական խորհրդի նիստին՝ ընդգծելով, որ այդպիսով առևտրային հարաբերություններ կհաստատվեն Իրանի և ԵԱՏՄ-ի միջև ստեղծվող ազատ առևտրի գոտում։
