Իսրայելի պաշտպանության նախարար Ավիգդոր Լիբերմանը հերթական անգամ կասկածի տակ է դրել Հայոց ցեղասպանության փաստը։
RTV հեռուստաալիքին տված հարցազրույցում նա նշել է, թե անթույլատրելի է Հայոց ցեղասպանության ճանաչման առաջարկն ի հեճուկս Թուրքիայի: «Ես չեմ կարծում, թե այդ հարցը, որը հիմնականում պատմական, վիճելի և տեսական է, ընդունելի է շահարկել։ Չեմ կարծում, թե այն կոնկրետ ազդեցություն ունի Թուրքիայի հարցով Իսրայելի ներկայիս դիրքորոշման վրա»,- ասել է նա։
Լիբերմանն ընդգծել է, թե այդ որոշումից հետո կվատթարանան հարաբերությունները Ադրբեջանի հետ, իսկ այդ հարաբերություններն Իսրայելի համար գերակա են։
