Իսրայելն ու Թուրքիան որոշել են հունիսի 26-ին հայտնել երկու պետությունների միջև տարաձայնությունների կարգավորման և հարաբերությունները լիարժեք վերականգնելու մտադրության մասին: Այս մասին գրում է Hurriyet-ը:
Պարբերականը նշում է, որ եթե կողմերը համաձայնության գան, հնարավորինս արագ կվերականգնվի համագործակցությունը պաշտպանական ու էներգետիկ ոլորտներում և կվերսկսվի համատեղ զորավարժությունների անցկացումը:
Սակայն Թուրքիայի արտգործնախարար Մեվլյութ Չավուշօղլուն, ի պատասխան Hurriyet-ի հայտարարել է, որ բանակցությունները շարունակվում են ու դրանց ելքը Իսրայելից է կախված:
«Մեր պայմանները շատ պարզ են: Իսրայելական կողմի հետ մեր հաջորդ հանդիպման ժամանակ համաձայնության գալը պայմանավորված է իսրայելական դիրքորոշումով»,- ասել է Չավուշօղլուն:
Նշենք, որ Թուրքիան Իսրայելից պահանջում է Գազայի շրջափակման վերացումը:
