Թուրքիային ռուսական Ս-400 զենիթահրթիռային համակարգերի առաջին մատակարարումը կիրականցվի 2019 թվականին: Այս մասին հայտարարել է Թուրքիայի պաշտպանության նախարար Նուրեթին Ջանիքլին։
«Ս-400-ի առաջին մատակարարումը կլինի 2019 թվականին»,- մեջբերում է հեռուստաալիքը նախարարի խոսքը, որը ելույթ է ունեցել խորհրդարանի բյուջեի հանձնաժողովի նիստում:
Թուրքիայի նախագահը սեպտեմբերի 12-ին հայտնել էր, որ Անկարան Մոսկվայի հետ համաձայնագիր է ստորագրել Ս-400 համակարգերի ձեռքբերման եւ դրանց դիմաց կանխավճարի մուծման վերաբերյալ: «Ռոստեխ» պետական կորպորացիայի գլխավոր տնօրեն Սերգեյ Չեմեզովը նոյեմբերի 2-ին ՏԱՍՍ-ին հայտարարել է, որ Թուրքիային Ս-400-ի մատակարարման պարտավորագրի գումարը գերազանցում է 2 միլիարդ դոլարը:
