ԱԺ-ում կառավարության հետ հարց ու պատասխանի ժամանակ Ջեմմա Բաղդասարյանի հարցին ի պատասխան վարչապետ Նիկոլ Փաշինյանը հայտարարեց, որ Զինված ուժերը ի վիճակի են ամբողջությամբ բավարարել զինվորների կարիքները, որոնք սահմանված են պետությանը օրենքով:
Վարչապետ Նիկոլ Փաշինյանը հայտարարեց, որ իր առաջին քայլերից մեկը Զինված ուժերի գլխավոր շտաբի ներկայացուցիչների հետ այդ հարցը քննարկելն էր: «Ծնողներին խնդրում եմ, որ այն պարագաները, որոնք պետությունն է պարտավորված ուղարկել, չուղարկեն»:
Վարչապետը նշեց, որ կան մեխանիզմներ, որոնց արդյունավետությունը խիստ կասկածի տակ է, և կան խնդիրներ, որոնց լուծմամբ ինտենսիվ զբաղվում են: «ԶՈՒ շտաբից հավաստիացումներ եմ ստացել, որ ապահովված են բոլոր միջոցները, որ իրենք զինվորներին տան բոլոր պարագաները, որոնք պարտավոր են իրականացնել»:
