Հրապարակվել է ՊԵԿ նախկին նախագահ Գագիկ Խաչատրյանի որդի, «Գալաքսի» ընկերությունների խմբի համահիմնադիր Գուրգեն Խաչատրյանին կալանավորելու ԱԱԾ-ի միջնորդության հիման վրա դատարանի կայացրած վճիռը։
Երեւանի ընդհանուր իրավասության դատարանը՝ դատավոր Վահե Միսակյանի նախագահությամբ, քիչ առաջ Գուրգեն Խաչատրյանին կալանավորելու որոշում կայացրեց։
Հիշեցնենք, որ Գուրգեն Խաչատրյանին նախկինում առանձնապես խոշոր չափով յուրացմանն օժանդակելու մեղադրանք է առաջադրված եղել, ԱԱԾ-ն մեղադրանքը լրացրել է փողերի լվացման և առանձնապես խոշոր չափով կաշառք ստանալուն օժանդակելու հոդվածներով:
